Pandemundo

Ako’y nagpaikot-ikot
Sa paligid ng mundo;
Hindi naman malayo
Dahil ikaw ang mundo ko.

Ngunit biglang nahilo
Nang mawalan ng balanse,
Nawala ang grabedad
Na nagpapanatili sa akin.

Naglaho ka, mundo,
Wala namang eklipse;
Lumayo ka nang lumayo
Habang paikot-ikot ako.

Pinaikot-ikot mo,
Naglaho ang mundo;
Pinaikot-ikot mo,
Nawawala na rin ako.

111818

Advertisements

Ang Bituin na Hindi

Yaong kumikinang-kinang,
Ngumingiti-ngiti
Ay bituin na hindi.

Ang iyong nakikita
Ay matingkad na alaala
Ng matagal nang wala.

Ang iyong napapansin
Ay bituin na hindi
Kundi liwanag sa dilim.